ቅድሚ ኣሽሓት ዓመታት ግብጻውያን ግሪኻውያን ብዛዕባ ሕልሚን ትርጉሙን ብቐጻሊ ይመራመሩ ምንባሮም ኣብ መጻሕፍቲ ተጠቒሱ ኣሎ። ኤርነስት ሆፍማን፡ ኣብ ኣሜሪካ ሓላፊ ሆስፒታል፡ ሕልሚ ቁጥዓትን ጭኑቓትን ንኸይንኸውን ጠቓሚ ባእታ ከም ዘመሓላልፍ ይሕብር። ይኹን’ምበር ካብ ርእይቶ ሓሊፉ ዘቕረቦ ጽሑፍ የለን። ሲግመንድ ፍረይድ፡ ብወገኑ ድሕሪ ጽዑቕ ምርምር ኩሉ ብዛዕባ ሕልሚ ዝግበር ምርምር ዘዕግብ ዉጺኢት ከም ዘይሃበ ኣብ ጽሑፋቱ ገምጊሙ። ብዛዕባ ሕልሚን ትርጉሙን ዝመራመሩ ሊቃዉንቲ ብዙሓት ይኹኑ’ምበር ከምዚ’ዩ ኢሉ ክትንትን ዝኽእል ተመራማሪ ግና ክሳብ መበል 21 ክፍለ ዘመን ኣይተረኽበን።

ኣብ ኣመሪካ ጥራይ፡ እቶም ካብ 1% ዘይሓልፉ ዝሃብተሙ ሰባት ን95% ሃብቲ’ታ ሃገር ክብሕትዎ እንከለዉ፡ ብኣንጻሩ ድማ እቶም ኣብ ታሕተዋይ ደረጃ ዝርከቡ ዝተረፉ 90% ነድዮም ናብ መስመር ድኽነት ገጾም ከምርሑ ተገዲዶም ምህላዎም’ውን ኦክስፋም ኣብ ጸብጻቡ ጠቒሱ ኣሎ። ኦክስፋም፡ ኣብ ሽዱሽተ ሃገራት ማለት ኣብ ኣመሪካ፡ ብሪጣንያ፡ እስጳኛ፡ ብራዚል፡ ህንዲን ደቡብ ኣፍሪቃን ኣብ ዘካየዶ መጽናዕታዊ ዳህሳሳት ሓደ ነገር’ዩ ክርዳእ ክኢሉ። ንሱ ድማ፡ መንግስታት ዘርቅቕዎ ፖሊሲታትን ሕጊታትን ቁጠባ ብቐጥታን ብተዘዋዋሪን ንረብሓ ናይ’ቶም ዝወሓዱን ዝሃብተሙን ሰባት ዘቐድም ኮይኑ ከምዝጸንሕ’ዮም ዝበዝሑ ዜጋታት ናይ’ዘን ሃገራት ዝኣምኑ። እዚ ከኣ ቀንዲ ጠንቂ ናይ’ቲ ኣብ መንጎ ድኻታትን ሃብታማትን ካብ ግዜ ናብ ግዜ እናተመጠጠ ዝኸይድ ዘሎ ጋግ ምዃኑ የረድኡ።

ብደረጃ ዓለም፡ ሸውዓተ ካብ 10 ሰባት ኣብተን ፍጹም ዘይምዕሩይ ኣታዊታት ዝራኣየለን ሃገራት ከምዝነብሩ ዝሓበረ ኦክስፋም፡ ኣብ ውሽጢ’ዚ ዝሓለፈ 30 ዓመታት ብደረጃ ዓለም ኣብ መንጎ ዜጋታት ተራእዩ ዘይፈልጥ ገፊሕ ናይ ኣታዊታት ጋግ ተፈጢሩ ከምዘሎ የመልክት። ፈደራላዊ ማዕከን ገንዘብ ኣመሪካ ዝሰርሓሉ ዘሎ ኣማኢት ቢልዮናት ዶላር ዝዋጋኡ ቦንድ ናይ ምዕዳግ መደባት’ውን ነቲ ጋግ ኣብ ምርሓብ ወሳኒ ተራ ይጻወት ከምዘሎ’ዩ ዝጠቅስ። “እቲ ዝያዳ ኣተሓሳሳቢ ኮይኑ ዘሎ ጉዳይ ግን” ይብል ኦክስፋም፡ “ጸጋታት ዓለም እናተዘቖቐ ናብ ኢድ ውሑዳት ሰባት ክኣቱ እንከሎ ምስኡ ድማ ፖለቲካዉን ቁጠባዉን ስርዓታት ዓለምና እናተባሕጎገ ይኸይድ ምህላዉ’ዩ።” ብደረጃ ዓለም ኣጋጢሙ ዘሎ ማላዊ ቅልውላው’ውን ነቲ ጋግ መሊሱ የጋድዶ ምህላዉ ዝሓበረ ኦክስፋም፡ ኣብ ከተማ ዳቮስ ተጋቢኦም ዘለዉ ወከልቲ ሃገራት ዓለም ነዚ ጉዳይ’ዚ ዝያዳ ቆላሕታ ሂቦም ክዝትይሉ ተማሕጺኑ።

እስከ ናይዚ ሰብ ውዕለት’ከ ዕድለኛዶ ዘይዕድለኛ የስምዮ።

ሮይ ሱሊቫን ይብሃል። ሮይ ኣብ ውሽጢ ሳላሳ ዓመት ሸውዓተ ግዜ ብተደጋጋሚ ብበርቂ ክህረም ክኢሉ። መጀመርታ ኣብ 1942 ኣብ ፌርማታ ደው ኢሉ ኣብ ዝነበረ እዋን፡ ብበርቂ ኣብ ኣእጋሩ ብምህራም፡ ነቲ ብበርቂ ናይ ምህራም ቀጻልነቱ ኣሃዱ ኢሉ’ዩ ፈሊምዎ። እንተኾነ በቲ ሓደጋ በጀካ ናይ ዓባይ ዓባይትኡ ጽፍሪ፡ ካልእ ዝጋነን ሓደጋ ከይወረዶ ብሰላም ተገላገለ። ንመበል ካልኣይ ግዜ ኣብ 1969 ድሕሪ ዕስራን ሸውዓተን ዓመት፡ መኪንኡ ሒዙ እናተንቀሳቐሰ እንከሎ፡ ዘጋጠሞ ናይ በርቂ ምህራም፡ እዚ ውን ከምቲ ቀዳማይ ብዘይካ ንግዚኡ ኣብ ዕውለት ምእታው ዝጋነነ ሓደጋ ከይስዓበሉ ተረፈ። ንመበል ሳልሳይ ግዜ ድሕሪ ሓደ ዓመት ናይቲ ካልኣይ ግዜ ዘጋጠሞ ሓደጋ ምስ ገጠሞ’ውን ኣብ መንኮቡ ጥራይ ቁሩብ ቃጸሎ ብምግጣም ክሓልፈሉ ከኣለ። ጸኒሑ ውን ንመበል ራብዓይ ግዚኡ ኣብ 1972 ንገለ ክፋል ናይ ጽጉሪ ርእሱ ብምንዳድ ጥራይ ነሓፎ። ንመበል ሓምሻይ ግዜ፡ ሕጂ’ውን እቲ ዕድለኛ ወይ መከረኛ ሮይ፡ ብምንዳድ ጸጉሪ ርእሲ ጥራይ ሓለፈሉ። ቀጺሉ’ውን ብዙሕ ከይጸንሐ ንመበል ሻድሻይ ግዚኡ ኣብ 1974 ብሰንኪ በርቂ፡ ቅልል ዝበለ ናይ ብርኪ ሓደጋ ኣጋጠሞ። ንመወዳእታ ግዜ ኣብ 1977 ዘጋጠመ ኮይኑ፡ ኣብ ከባቢ ኣፍ ልቡን ከብዱን ክነድድ ከኣለ። ስለዚ ነዚ ሰብ ደጋጊሙ ካብ ከቢድ ሓደጋ ክተርፍ ብምኽኣሉ ዕድለኛ ምሰመናዮዶ ወይስ በቲ ተደጋጋሚ ፈተነ ከም ዘይዕድለኛ ምቖጸርናዮ?

 ልዕሊ ዓቐን ማይ

 ጀኒፈር ሊ ዝተባህለት ሰብ፡ “Hold Your Wee for a Wii.” ኣብ ዝብል ናይ ሬድዮ ውድድር ክትዕወት ብምሕሳብ ልዕሊ ዓቐን ማይ ብምስታያ ሂወታ ስኢና። እዛ ኣደ ክልተ ቈልዑት ሰበይቲ “ሽንቲ ከይሸነ ንነዊሕ ዝጸንሐ ይዕወት” ኣብ ዝብል ውድድር ክትዕወት ብምባል’ያ ልዕሊ ዓቐን ማይ ሰትያ። እዚ ብ hyper-hydration ዝፍለጥ ስኽራን ማይ፡ ኣብ ሓንጎል ሓደገኛ ነውጺ ብምፍጣር’ዩ ክሳዕ ሞት ዘብጽሕ።

ሉል ብኣቸቶ ከምዝመክኽ

ኣብ ዓለም እቲ ዝዓበየ መሐንበሲ ጋብላ ኣብ ሃገረ  በልጂዩም ዝርከብ ኮይኑ፡ 33 ሜትሮ ዕምቆት ይውንን

ቋንቋ ሃዋይ ብ12ፊደላት ዝቘመ’ዩ

ኣብ 1949 ኣብ ጃፓን ዝተሰርሐት ኤለክትሮኒካዊት ማኪና ሓንሳብ ቻርጅ ምስ መልአት፡ ን200 ኪሎ ሜተር ብዘይ ዝኾነ ጸገም ክትጐዓዝ ትኽእል ምንባራ

እቲ ዝነውሐ ናይ ማእሰርቲ ብይን 384,912 ዓመታት ኮይኑ፡ ንወዲ 22 ዓመት መንእሰይ ዝተፈርደ’ዩ

እቲ መንእሰይ ነዚ ዝተፈረደሉ ምኽንያት ን42,767 ደብዳበታት ክስውሮ ብምኽኣሉ፡ ገበነኛ ኮይኑ ስለዝተረኽበ እዩ