ዘገርሙ ሓቅታት – Habeshaa Entertainment

ብዛዕባ ምድረበዳ

Habeshaa Ent. — Sun, 12 Jul 2020 15:03:00 +0000

ምድረበዳ ክበሃል ከሎ ካብ መጠን ንላዕሊ ሙቐት ዘለዎ፡ ኣግራብ ዘይበቑልዎን እንስሳታት ዘይነብርዎን ኮይኑ ዝስመዓና ብዙሓት ኢና። ምድረበዳ ዝበሃል ግን ብሰንኪ ዋሕዲ ጠሊ ብዘይካ ፍሉያት ፍጥረታት፡ ህይወታውያን ክነብርሉ ዘይምቹእ ኣከባቢ ማለት’ዩ። ምድረበዳ ካብ መጠን ንላዕሊ ሙቐት ዘለዎ ጥራይ ኣይኮነን። ካብ መጠን ንታሕቲ ዛሕሊ ዘለዎን ንህይወታውያን ዘይምቹእን ኣከባቢ’ውን ምድረበዳ’ዩ ዝበሃል። ኣብቲ ዝሑል ዝበሃል ምድረበዳ ኩሉ ወይ ድማ መብዛሕትኡ ጠሊ ናብ በረድ ስለዝቕየር ተኽሊ ዳርጋ ኣይበቁልን’ዩ። በዚ መኽንያት ድማ ምድረበዳ ይበሃል። ኣርክቲክ ዝበሃል ዝሑል ምድረበዳ ከም ኣብነት ክጥቀስ ይከኣል። ኣብ ዝሑል ምድረበዳ ዝነብሩ እንስሳታት ነቲ ሓያል ቁሪ ዝጻወር ቆርበት’ዩ ዘለዎም። ከም በዓል ሳሃራን ጎቢን ዝኣመሰሉ ምድረበዳታት ከኣ ኣብነት ናይቶም ልዑል ሙቐት ዘለዎም ምድረበዳታት’ዮም። ኣብዚ እዋን ብሰንኪ ክሊማዊ ለውጢ ምድረበዳታት እናሰፍሑ ይኸዱ ከምዘለዉ’ዩ ዝፍለጥ። ምድረበዳነት ንምክልኻል ኣግራብ ክንቆርጽ የብልናን። ገረብ ክንተክል ድማ ይግባእ።

ብዛዕባ ብሩስ ሊ

Habeshaa Ent. — Sun, 12 Jul 2020 14:48:55 +0000

ብሩስ ሊ ኣብ ሂወቱ ምሉእ ሓደ ግዜ ጥራይ’ዩ ኣብ ግጥም ካራተ ተሳዒሩ። ወዲ 13 ዓመት እንከሎ። እዚ ስዕረቱ’ዚ እዩ ድማ ‘ማርሻል ኣርት’ ንኽመሃር ደፋፊኡዎ። ሓደ ዪፕ ማ ን ዝተባህለ ናይ ዊ ንግ ቹ ን መምህር እዩ ምሂርዎ። ካልኦት መማህርቱ ዝ ነበሩ ተማሃሮ፡ ብሩስ ሊ ውጹእ ቻይናዊ ከምዘይኮነ ምስ ፈለጡ ምስኣቶም ክመሃር ኣይፈቐድሉ ን ። ስለ’ዚ ከኣ ዩፕ ማን ብውልቁ ክምህሮ ተገደደ።

ሕልሚ እንታይ’ዩ?

Habeshaa Ent. — Sun, 12 Jul 2020 13:41:35 +0000

ወዲ ሰብ ክበጽሖ ዘይከኣለ፡ ናይ ሓንጎል ስራሕ ብዙሕ ክህሉ ከም ዝኽእል ምጥርጣር ዘየድልዮ ሓቂ’ዩ። መዓልታዊ ብተመራመርቲ ዝኽሰት ዘሎ ሓደስቲ ምህዞታት ድማ ናይዚ ምስክር’ዩ። ወዲ ሰብ ለይቲ ምስ ደቀሰ ሕልሚ ይሓልም’ዩ። ንሕልሚ፡ ቀትሪ እትርእዮ ወይ ኣብ ሕሉፍ ግዜ ዝረኣኻዮ’ዩ ሕልሚ ተመሲሉ ዝመጽኣካ ዝብሉ ብዙሓት እዮም። ተመራመርቲ ናይዚ ዓዉዲኸ? ኣብ ከባቢ 1820 ዝነበረ ፈረንሳዊ ተመራማሪ፡ ሕልሚ ማርኮይስ ዲ ሀርቨይ፡ ኣብ 1653 ወዲ ሰብ ብዛዕባ ሕልሚ ይዛረብ ከም ዝነበረ ይሕብር። ማርኩይስ ዝሓልሞ ዝነበረ ካብ ወዲ 13 ዓመት እንከሎ ይምዝግቦ ከም ዝነበረ ኣብ ጽሑፉ ጠቒስዎ ኣሎ። ንሱ ኣብ 1867 “ሕልምን ትሕዝትኡን ብግብራዊ ትዕዝብቲ” ዝብል መጽሓፍ ብምድላዉ ኣብ ጉዳይ ሕልሚ ሓሳብ ኣቕሪቡ ነይሩ። ኣብ 1947 ዝነበረ ተመራማሪ ሕልሚ ስተፈንሰን ላበርግ፡ ጽዑቕ ምርምር ድሕሪ ምክያዱ ነቲ ማርኮስ ዝጀመሮ መጽናዕቲ ከም ዘለዎ ብምድጋፍ እቲ ምርምር ክቕጽል ሓሳብ ኣቕሪቡ። ኩሎም እዞም ዝተጠቕሱ ተመራመርቲ ይኹኑ ካልኦት ዘይተጠቕሱ ዘካይድዎ ምርምር፡ ኣብ ሕክምና ንኽገልገሉሉ’ምበር ብሕልሚ ብዝኽሰት ተርእዮ ንምትሩጓም ኣይነበረን።

ቅድሚ ኣሽሓት ዓመታት ግብጻውያን ግሪኻውያን ብዛዕባ ሕልሚን ትርጉሙን ብቐጻሊ ይመራመሩ ምንባሮም ኣብ መጻሕፍቲ ተጠቒሱ ኣሎ። ኤርነስት ሆፍማን፡ ኣብ ኣሜሪካ ሓላፊ ሆስፒታል፡ ሕልሚ ቁጥዓትን ጭኑቓትን ንኸይንኸውን ጠቓሚ ባእታ ከም ዘመሓላልፍ ይሕብር። ይኹን’ምበር ካብ ርእይቶ ሓሊፉ ዘቕረቦ ጽሑፍ የለን። ሲግመንድ ፍረይድ፡ ብወገኑ ድሕሪ ጽዑቕ ምርምር ኩሉ ብዛዕባ ሕልሚ ዝግበር ምርምር ዘዕግብ ዉጺኢት ከም ዘይሃበ ኣብ ጽሑፋቱ ገምጊሙ። ብዛዕባ ሕልሚን ትርጉሙን ዝመራመሩ ሊቃዉንቲ ብዙሓት ይኹኑ’ምበር ከምዚ’ዩ ኢሉ ክትንትን ዝኽእል ተመራማሪ ግና ክሳብ መበል 21 ክፍለ ዘመን ኣይተረኽበን።

Habeshaa Ent. — Sun, 12 Jul 2020 10:34:08 +0000

ኒው ሳውዝ ዌልስ ኣብ ዝተባህለት ናይ ኣውስትራልያ ዞባ ካብ እትርከብ ከተማ ፎርብስ ዝተበገሰት ንእሽቶ ናይ ሕርሻ ነፋሪት ዝመርሕ ዝነበረ ኣብራሪ ድሕሪ 10 ደቓይቕ ብሰንኪ ሕማም ቀልቡ ብምጥፋኡ፡ ወዲ 19 ዓመት ተሳፋሪ ነቲ መቈጻጸሪ ብምሓዝ ን45 ደቓይቕ ከም ዘብረራ ተፈሊጡ። ሓንሳእ ጥራይ ናይ ምብራር ዕድል ረኺቡ ዝነበረ መንእሰይ ትሮይ ጀንኪንስ ነታ ነፋሪት ከዕልብ ክብል ሓደጋ ከይፈጥር ስለ ዝፈረሐ ኣብ ጥቓ እቲ መዓርፎ ነፈርቲ እናዘንበየ እንከሎ እቲ ቀልቡ ዘጥፈአ ኣብራሪ ከም እተባራበረን ነቲ መቈጻጸሪ ከም ዝተረከቦን ምንጭታት እቲ ከባቢ ሓቢሮም።