– ኣብ ክውንነት ምእማንን ኣብ ሓቅታት ምምርኳስን

 – ኣብ ኣእምሮኻ ቦታ ዝሃብካዮም ኣጉል እምነት፡ ግጉይ መረዳእታ፡ ቅድመ ፍርድን ግምታዊ ጠባያትን ብወድዓውነት መርሚርካ ምጉሓፍ

 – ኣብ ክንዲ ብስምዒት ብርትዒ ምሕሳብ፡ ንስምዒትን ርትዕን ፈላሊኻ ብምፍላጥ ንኽልቲኦም ኣብ ህይወትካን ቀዳምነታትካን ግቡእ ቦትኦም ምትሓዝ።

 – ኣቀራርባኻ ኣልዝብ ኣቢልካ ከተእምን ምኽኣል፡ ማእከል ስሕበት ክትከውን ከይደለኻ ኣብ ማዕርነት ዝተመስረተ ምሕዝነት ምምስራት፡ ፍሽለት ከይፈራሕካ ውጥናትካ ምትግባር

 – ኣብ ክንዲ ነቓጽን ንፍርዲ ዝህውኽን ዓይነት ሰብ ትኸውን ተዓጻጻፊ በዓል ክፉት ኣእምሮ ክትከውንን፡ ንሓድሽ ኩነት ምልምማድ፡ ንሓድሽ ፍልጠትን ሜላን ድማ ተቐባሊ ክትከውን ምኽኣል

 – ሓታትን ዳህሳስን ብምዃን ሕቡእ ተኽእሎታትን ዕድላትን ምፍታሽ፡ ከየመዛዘንካ ዘይምድምዳም፡ ሓላፍነታዊ ምዃን

 – ኣጋጣሚታት ህይወት ንዝኽሰተሉ ቦታን ግዜን ከም ዝመስሉ ፈሊጥካ ኣቐዲምካ ብዝቓነኻዮ ወይ ብልሙድ ግብረ

 -መልሲ ክትምልሰሎም ዘይምፍታን

 – ንኹሉ ገጻት ህይወት ክትሕጐሰሉን ከተስተማቕሮን ምኽኣል

 – ኣየናይ’ዩ ክትገብሮን ክትጭብጦን ዝከኣል? ኣየናይ እዩ’ኸ ዘይክኣል? ፈሊጥካ ምርዳእ

 – ብዛዕባ ነብስኻ ዝተጋነነ ምስሊ ዘይምሓዝ፡ ከም ኩሉ ሰብ ድኽመታት ከም ዘለካ ምእማን፡ ርእይቶ ሰባት ምኽባር

 – ፍርሒ፡ ሻቕሎት፡ ጭንቀት፡ ኣብ ዝስምዓካ እዋን ብኸመይ ከም እትቆጻጸሮ ምፍላጥ ይብሉ።

ሰር ኣይዛክ ኒውቶን ነዞም ዝስዕቡ ሰለስተ ሕጊታት’ዩ ኣቝሙ፥

– ኣብ ዕረፍቲ ዝርከብ ግዛዕ። ኣብ ርእሲኡ ካልእ ሓይሊ ክሳብ ዘይተዋስአ ኣብ ዕረፍቲ ይጸንሕ፤ ኣብ ምንቅስቓስ ዝርከብ ግዛዕ ከኣ ኣብ ልዕሊኡ ካልእ ሓይሊ ክሳብ ዘይተዋስአ ፍጥነቱ ኣይቅይርን፣

 – ድፍኢት (ሞመንተም) ኣብ ሓደ ፍጻሜ ዝኽሰት ናይ ምንቅስቓስ ድፍኢት እዩ፣ ናይ ሓደ ዝንቀሳቐስ ኣካል ርባሕ ፍጥነቱን ርዝነቱን ድማ እዩ፣ ኒውቶን ኣብ ካልኣይ ሕጉ እምበኣር። “ኣብ ሓደ ኣካል ዝዋሳእ ሓይሊ። ምስቲ ኣብ ድፍኢት ዝፈጥሮ መጠን ለውጢ ማዕረ እዩ” ይብል፣ (F= dp/dt)

– ንዅሉ ኣብ ልዕሊ ካልእ ነገር ዝዋሳእ ሓይሊ። ተመሳሳሊ ዓቐን ሓይሊ ዘሎዎ ተጻብኦ ብኣንጻሩ ይገጥሞ እዩ፣ (To every action there is an equal and opposite reaction)

እዞም ሰለስተ ሕጊታት ምንቅስቓስ ዓሚቝ ትርጕም ዘሎዎም ኰይኖም። ንዝተፈላለየ ዓይነት ምንቅስቓስ ክንፈልጦን ክንርድኦን የኽእሉና፣ እዞም ሕጊታት ንቕናት ፕላኔታት ክንፈልጥ። መንኰርኰር ናብ ህዋ ክንልእኽ። ንብዙሕ ስራሓት ዘገልግለና ማሽናት ክንነድፍ ካልእ ዓበይቲን ብዙሓትን ንኽስርሑ ኣኽኢሉ፣

ክላሲካል መካኒክስ ኣብ መዓልታዊ ህይወት ወዲ-ሰብ ኣገዳሲ ኣበርክቶ ኣሎዎ፣ ንመብዛሕትኦም ኣብ ሓደ መዓልቲ ዝገጥሙና መስርሓት። ክገልጾም ይኽእል፣ ኣብ ማሽናት። ክፋላት ማሽናት። ስፖርት። መካኒካል መስርሓት ንድፊ ምግባር። … ወዘተ.፣ ብተወሳኺ ኣብ ዓበይቲ ስራሓት ከም መንኰርኰራት ጠፈርን ሳተላይታትን መሰረታውያን ሕጊታት ክላሲካል መካኒክስ ኣዝዮም ኣገደስቲ እዮም፣ እዞም ሕጊታት ናብ ዝተፈላለየ ቅርጺን ኣገባብን እናተቐያየሩ ክመጽኡ ጸኒሖም፣ ኒውቶንያዊ መካኒክስ። ላግራንጊያናዊ መካኒክስ። ሃሚልቶንያዊ መካኒክስ … ገለ ካብቶም ንብዙሕ ሕቶታት ዝመለሱ ኣገባባት እዮም፣

– ኵዕሶ ኣብ ኣየር ከም እተንሳፍፍ ምግባር ሓደ ካብ ኣብነታት ክልሰ-ሓሳብ በርኖኡሊ እዩ፣

 – ማኪና ብክሪክ ተሓጊዝካ ብቕልጽምካ ሓፍ ከተብላ እንከላኻ። ንሕጊ ፓስካል ኢኻ ኣብ ግብሪ ተውዕል ዘለኻ፣

– ቈልዑ ባሊና እናተጻወቱ። እታ ሓንቲ ነታ ደው ዝበለት ከተንጭዓ እንከላ፥ እታ ዝሃረመት ፍጥነታ ተጕድልን ኣንፈታ ትቕይርን፤ እታ ዝተሃርመት ከኣ ካብ ዕረፍቲ ናብ ምንቅስቓስ ትሰጋገር፣ እዚ ኣብ ሕጊታት ኒውቶን ዝርከብ ኣምራት እዩ፣

ምህሮ ቁጽሪ 1

ንስሪ ኩሉ ግዜ ኣብ ኣዝዩ ልዑል ብራኸ ምብራር’ዩ ዝብርሆ። ኣብቲ ንስሪ ዝበጽሖ ብራኸ ዝኾነ ኣሞራን ካልእ ዓሌት ኣዕዋፍን ክበጽሕዎ ኣይክእሉን ኢዮም። በቃ ንስሪ ጥራይ’ዩ ኣብ ጫፍ ሰማያት ከም ድልየቱ ከንሳፍፍ ዝኽእል። ንስኻ ከኣ ልክዕ ከም ንስሪ ናብ ጫፍ ሕልምኻ ክትበጽሕ ምስ ከም ናትካ ሕልሚ ዘለዎም ሰባት ተመሓዞ። ኣብ ልዑል ብራኸ ክበሩ ምስ ዘይክእሉ ከም በዓል ኣሞራን ኳኽን ኣይትኺድ፡ ንስሪ ምስ ንስሪ’ዩ ዝበርር።

ምህሮ ቁጽሪ 2

ንስሪ ትኩራት ኣዒንቲ ኢየን ዘለዋኦ፡ ካብ ዓሌት ኣዕዋፍ ከም ናይ ንስሪ ናይ ምርኣይ ክእለት ዝተዓደሎ የለን። ንስሪ ኣብ ሓሙሽተ ኪሎ ሜተር ብራኸ ኮይኑ ኣብ ምድሪ ንዘሎ ግዳዩ ብዝግባእ ክርእዮ ይኽእል። ኣዒንቲ ንስሪ ኣጽቢበን ኣብ ልዕሊ እቲ ግዳይ ምስ ዓለባ ናብ ካልእ ኣየተኩራን ኢየን። ዝኾነ መስገድላትን ዕንቅፋትን ዋላ የጋጥመካ ንኣዒንትኻ ካብቲ ክትበጽሖን ክትጭብጦን እትደሊ ምዕራፍ ኣይተልግሰን። ሓደ እዋን ሓደ ለባም ንሰለስተ ተማሃሮኡ ከመይ ገይርካ ቀስቲ ትውርውርን ዕላማኻ ከኣ ብግቡእ ትሃርምን ክምህሮም ሒዝዎም ንበረኻ ከደ። ኣብቲ ዝደለይዎ ቦታ ምስ በጽሑ ነታ ኣብ ጫፍ ናይ ገረብ ዝነበረት ዑፍ ከም ዒላማ ገይሮም ክሃርምዋ ነገሮም። ነቲ ቀዳማይ ተመሃራይ እንታይ ትርኢ ኣሎኻ ኢሉ ብዝሓተቶ፡ “ዓቢ ጎቦ፡ ሩባ፡ ገረብ ኣብ ጫፋ ከኣ ሓንቲ ዑፍ ይርኢ ኣለኹ” ክብል መለሰ። ካልኣይ ተመሃራይ’ውን ተመሳሳሊ ሕቶ ምስ ተሓተተ “ነዊሕ ገረብን ኣብቲ ጨንፈራ ከኣ ሓንቲ ዑፍ ይርኢ ኣለኹ” ኢሉ መለሰ። ሳልሳይ ተሓታቲ “ብዘይካ ዓይኒ ናይታ ዑፍ ዝኾነ ነገር ይረኣየኒ የለን” ኢሉ መልሱ ሃበ። እቲ መምህር ቀስቶም ክውርውሩ ምስ ኣዘዘ እታ ዑፍ ዓይና ተሃሪማ ወደቐት። መኖም ከም ዝሃረማ ከኣ ርዱእ ነበረ።

ምህሮ ቁጽሪ 3

]]> https://habeshamax.com/%e1%88%93%e1%8d%88%e1%88%bb%e1%8b%8a-%e1%8d%8d%e1%88%8d%e1%8c%a0%e1%89%b5/%e1%89%b5%e1%88%9d%e1%88%85%e1%88%ad%e1%89%b2-%e1%8a%ab%e1%89%a5-%e1%8a%95%e1%88%b5%e1%88%aa/feed/ 1 1743 https://habeshamax.com/%e1%88%93%e1%8d%88%e1%88%bb%e1%8b%8a-%e1%8d%8d%e1%88%8d%e1%8c%a0%e1%89%b5/%e1%8a%a3%e1%8c%88%e1%88%a8%e1%88%9d%e1%89%b2-%e1%88%93%e1%89%85%e1%89%b3%e1%89%b5-2/ https://habeshamax.com/%e1%88%93%e1%8d%88%e1%88%bb%e1%8b%8a-%e1%8d%8d%e1%88%8d%e1%8c%a0%e1%89%b5/%e1%8a%a3%e1%8c%88%e1%88%a8%e1%88%9d%e1%89%b2-%e1%88%93%e1%89%85%e1%89%b3%e1%89%b5-2/#respond Sat, 19 Jun 2021 20:34:08 +0000 https://habeshamax.com/?p=1711 – የማናይ ኣእዳው እንተዄንካ ብየማናይ ሽነኽ ኣፍካ ኢኻ ትሕይኽ። ጸጋማይ እንተዄንካ ድማ ብጸጋማይ ሸነኽ ኣፍካ።

– ካብ ብዝሒ ህዝቢ ዓለም፡ ኣብ ኣፍ ሰብ ዘሎ ብዝሒ ባክተርያ ይበዝሕ።

– ኣብ ገለ ሃገራት ንኽፍልታት ኣካል ብምርኣይ ጥራይ መጻኢ ዕድል ወዲ ሰብ ምትንባይ ከም ዝከኣል ይእመንን ይስረሓሉን። እምበኣር ንኣፍልጦኹም ጉምቦ ኢድካ ናይ ምንባብ ጥበብ “ኪሮማንሲ”፡ እግሪ ናይ ምንባብ ጥበብ “ኦምፋልማንሲ”፡ ከብዲ ናይ ምስማዕ ጥበብ ድማ “ጋስትሮማንሲ” ይበሃል።

– ታይኮ ብራህ እተባህለ ደንማርካዊ ተመራማሪ ኣስትሮኖመር ብሰንኪ ናብ ሽቓቕ ከይዱ ምሻን ተነፊሑ እዩ ሞይቱ። ከምዚ እዩ፡ ኣብ 16 ክ/ ዘመን መኣዲ ሓዲግካ ምኻድ ከም ዓቢ ነውሪ ይሕሰብ ነበረ። እቲ ሰታይ ምዃኑ ዝንገረሉ ብራሀ ድማ ምሉእ ምሸት መስተ ክሕንፍፎ ኣምስዩ፡ ኣመት ምሻኑ ከይገበረ መኣዲ ይቕረብ። ኣብቲ መኣዲውን እንተኾነ ምስታዩ ኣየቋረጸን። ሽንቲ መጺእዎ። ይቕሬታ ሓቲቱ ከይትንስእ፡ ምሒር ተሰኪፉ። ንነዊሕ ተጸሚሙ ድሕሪ ምጽናሕ፡ ኣብ መወዳእታኡ ፍሕኛኡ ነተጎ። ኣብ ውሽጢ 11 መዓልታት ድማ ድሕሪ ነዊሕን መሪርን ቃንዛ ካብዛ ዓለም ብሞት ተፈለየ።

– ጀይምስ ተምፕልማን ክውለድ ከሎ ምንም ኣእዳው ኣይነበሮን። ተምፕልማን በዚ ተስፋ ኣይቆረጸን። ኣብ ዩኒቨርሲቲ ብልዑል መዓርግ ተመሪቑ። ኣብ ኮምፒተር ብዝገበሮ ምብልሓት ንኹሉ ሰብ ኣስደሚሙ። ንሱ ኩሉ ንጥፈታቱ ብኽልተ ኣእጋሩ እዩ ዝገብሮ። በእጋሩ ይበልዕ፡ በእጋሩ ይሰቲ፡ በእጋሩ ይጽሕፍ፡ በእጋሩ ማኪና ይዝወር፡ በእጋሩ ጭሕሙ ይላጸ፡ በእጋሩ ይስእል. . . ።

– መልክዕ ሰብኣይን ሰበይትን ከም ዝመሳሰል ኣስተብሂልኩምዶ ኣለኹም? ካብ ባዶ ተበጊስኩም ኣይኮንኩምን። በዓል ሞያ ስነ

-ኣእምሮ ዩኒቨርሲቲ ሚቺጋን ሮበርት ዛጃንክ ኣብ ዘቕረቦ መጽናዕታዊ ምርምር፡ ንነዊሕ ዓመታት ብሓባር ዝተቐመጡ ሰብኣይን ሰበይትን ውዒሎም ሓዲሮም እናተመሳሰሉ ከም ዝመጹ ይሕብር። እቲ በዓል ሞያ ኣብ ዘቕረቦ ጸብጻብ፡ ሰብኣይን ሰበይትን ኣብቲ ብፍቕርን ሓድሕዳዊ ምትሕልላይን ዝነብርሉ እዋን ኣብቲ ብሓባር ዝካፈልዎ ናይ ሓጎስን ሓዘንን ስምዒታት ተመሳሳሊ መልክዕ ከምዝቕረጾም እዩ ዝገልጽ። ብፍላይ ድማ ኣብ እዋን ምዝናይ ኣብ ገጾም ዘንጸባርቕዎ ምልክታት ክቀዳድሑ ስለዝፍትኑ፡ ድሕሪ ነዊሕ ናብ ምምስሳል ገጹ ከምዘምርሖም እቲ መጽናዕቲ የረድእ።

ሕፍረት፥

ሓደ ካብቶም ትርጉሞምን መበገሲኦምን ክፍለጡ ዘይተኻእሉ ባህርያት ወዲ-ሰብ እዩ። እዚ ናይ ምሽቃል፡ ጽቡቕ ዘይምስማዕን ርእሰተኣማንነትካ ናይ ምጥፋእን ስምዒት፡ ሓደ ካብቶም ብምሕፋር ንገልጾም ስምዒታት እዮም። ሓደ ሰብ ምስ ዘይፈልጦ ሰብ ክቀራረብ ከሎ ዝስምዖ ናይ ምሽቑራር ስምዒት ሕፍረት ኢልና ንገልጾ። ሕፍረት፡ ሓደ ካብቲ ካብ ከባቢና ወይ ካብ ዝዓበናሉ ቦታ እነጥርዮ ባህሪ እዩ። እዚ ምሳና ዝዓቢ ባህሪ፡ ወላ’ኳ ተመራመርቲ መበገሲኡን ጠንቁን ክፈልጥዎ እንተዘይከኣሉ፡ ውጽኢት ናይቲ ልዑል ዓቐን ርህራሄ እዩ ኢሎም ይገልጽዎ። ንሕፍረት ድማ እቲ ፍሉይ ባህሪ ናይ ወዲ-ሰብ እዩ ይብሉዎ። ሓደ ሰብ ካብ መጠን ንላዕሊ ምስ ዝሓፍር፡ ካብ ውሽጡ ብዝፍጠር ናይ ጭንቀት ስምዒት ኣብ ገጹ ክርአ ይኽእል።

ጥበብ፥

ሓደ ካብቶም ብተመራመርቲ ክፍለጡ ዘይተኻእሉ ዘለዉ ክእለትታት ናይ ወዲ-ሰብ እዩ። ንጥበብ ድማ እቲ ዝኾነ ሰብ ምስ ደለዮ ከምጽኦ ዝኽእል ባህሪ ኣይኮነን ኢሎም ይገልጽዎ። ቅብኣ፡ ሳዕስዒትን ቅርጻ ቅርጺን እቶም ወዲሰብ ብተፈጥርኡ ክውንኖም ዝኽእል ባህርያት ወይ ጥበባት እዮም። እዞም ደሊኻ ከተምጽኦም ዘይትኽእል ጥበባት እዚኣቶም ካበይ ከም ዝመጹ ክፈልጡ ብዘይ ምኽኣሎም፡ ብድብድቡ ተውህቦ እዩ ኢሎም ገዲፈሞ ኣለዉ። ዕድመ ብጽሕና ወይ ግርዝውና፥ እቲ መተሓላለፊ መድረኽ፡ ወይ ድማ ሓደ ሰብ ኣብ ነብሱን ኣተሓሳስቡኡን ለውጢ ዘምጻኣሉ ደረጃ እዩ። ገለ ተመራመርቲ ነዚ ዕድመ ብጽሕና፡ ሓደ ሰብ ቅድሚ ኣብቲ ናይ ብጽሕና ወይ’ውን ጉብዝና ደረጃ ምብጽሑ ንዝሕዞ ሓላፍነት መፈተኒ እዩ ኢሎም ይገልጽዎ። እዚ ይኹን ደኣ’ምበር፡ ኣብዚ ዕድመ’ዚ ዘጋጥም ዕቤት ናይ ኣተሓሳስባ ብኸመይ ከም ዝመጽእ ተመራመርቲ ክፈልጥዎ ኣይከኣሉን ዘለዉ።

ልግሲ፥

ጽቡቕ ምግባር ሓደ ካብቲ ባህርያት ናይ ወዲ-ሰብ እዩ። ስለምንታይ እዩ ሓደ ሰብ ለጋስ ዝኸውን ክፍለጥ ኣይከኣልን እዩ። ልግሲ፡ ንድሕነት ናይ ሓደ ሰብ ዝግበር ንጥፈት እዩ። ኣብ ዝበዝሑ ባህልታትን ሃይማኖታትን፡ ልግሲ ከም ጽቡቕ ግብሪ እዩ ዝውሰድ። ምስዓም፡ ኣብ ዝተፈላለዩ ባህልታትን ልምድታትን ብምሙርኳስ ዝተወስደ ገምጋም፡ ምስዓም መግለጺ ፍቕሪ፡ ክብሪ፡ ሰላምታ፡ ምሕዝነት፡ ሰላምን ጽቡቕ ዕድልን ኮይኑ’ዩ ተረኺቡ። እዚ ኣተሓሳስባ ወይ’ውን ርድኢት ግን ንተመራመርቲ መበገሲኡ ክንጽረሎም ኣይከኣለን ዘሎ።

ሕልሚ ፥

ኣብ ግዜ ድቃስና ዝረኣዩና ስእሊታት፡ ዝስምዑና ድምጺታት፡ ወይ’ውን ካልእ ስምዒታት እዮም። ሕልሚ፡ መስርሕ ናይቲ ኣብ ግዜ ድቓስና ዝኽሰት ከቢድ ሓሳብ እዩ።a

ቀይሕ ዕንበባ ትብዓት፡ ጅግንነት፡ ኣኽብሮት፡ ጽንዓት፡ ኣድናቖትን ድሌትን ይገልጽ።

ሮዛ ዕንበባ ሃሳስ ወይ’ውን ፈኩስ ሮዛ ሕብሪ ናይ ዕንበባ፡ ንሕያውነት፡ ሓጎስን ፍቕርን ይገልጽ።

ኣዝዩ ውቁብ ሮዛ ዕንበባ’ውን ከም ተወሳኺ መግለጺ የዋህነት፡ ውቃበን ግርማን እዩ ዝውሰድ።

ሰመያዊ ዕንበባ እዚ ምልክት ሰላም ዝኾነ ሕብሪ፡መግለጺ ህድኣትን ግሉጽነትን እዩ።

ኣዝዩ ምዕሩግ ሰመያዊ ዕንበባ፡ “ህድእ በል፡ ጭንቀት ኣወግድ” ንዝብሉ ሓበሬታታ ንምግላጽ ይጠቅም።

ጻዕዳ ዕንበባ ጻዕዳ ሕብሪ ኣብ ዕንበባ መግለጺ ኣኽብሮት፡ ትሕትናን ምእዙዝነትን እዩ። ብተወሳኺ ድማ ንንጽህናን ቅንዕናን ይውክል። ብዘይካ’ዚ፡ ትርጉም ጻዕዳ ዕንበባ ኣብ ዓይነት ወይ ኣብ ጽባቐ ናይቲ ዕንበባ’ውን ይምርኮስ እዩ። ሓንቲ ጻዕዳ ዝሕብራ ሕቋፍ ዕንበባ ደማቕን ጽብቕትን ምስ እትኸውን፡ ንኣኽብሮት እያ እትገልጽ።

ብጫ ዕንበባ ብጫ ሕብሪ መግለጺ ሓጎስ ከም ምዃኑ መጠን፡ ሓንቲ ሕቋፍ ዕንበባ ደማቕን ጽብቕትን ምስ እትኸውን ንምሕዝነት ድሉው ምዃን ትገልጽ። ዕንበባ ብዘይካ’ዚ፡ ብጫ ዕንበባ ዓወትን ክብርን ንምስትምቓር ይገልጽ። ብተወሳኺ፡ በዚ ሕብሪ’ዚ ኣቢልካ ሓጎስካ ክትገልጽ ከም እትኽእል እዩ ዝንገር።

ኣራንሾኒ ዕንበባ ኣራንሾኒ ሕብሪ፡ ደሚቕ ብምዃኑ መግለጺ ናይ ምሉእ ሂወት እዩ። ብዘይካ’ዚ፡ ኣራንሾኒ ሕብሪ ኣብ ሕቋፍ ዕንበባ ውዕዉዕ ስምዒት ይፈጥር።

ቀጠልያ ዕንበባ ትስፉው ናይ ሓደ ነገር ምሕዳስ ይውክል። ቀጠልያ ሕብሪ ኣብ ሕቋፍ ዕንበባ ንጽቡቕ ዕድልን ምሉእ ጥዕናን’ውን ይገልጹ እዮም።

ሊላ ዕንበባ እዚ ናይ ንግስነታዊ ሕብሪ፡ መግለጺ ክብረት፡ መዓርግ፡ ግርማ፡ ልምድን ዓወትን እዩ። ኣብ ሕቋፍ ዕንበባ፡ ሊላ ሕብሪ መግለጺ ኣድናቖትን ኣምልኾትን ከም ዝኾነ ይግለጽ።

ሓደ ሰብ ኣብ ገረብ ምስ ሓኾረ’ሞ እቲ ገረብ ምስ ዝንቀሳቐስ፡ እቲ ሰብ እንታይ ይስምዖ? ኢልና ምስ እንሓትት – ልክዕ ከምቲ

– 80% ካብ ጠቕላላ ደቂ ተባዕትዮ። ክቱር ፍቕሪ ተለቭዥንን ፊልምን ዘለወን ደቂ ኣንስትዮ ኣዝየን ከምዘጽልእኦም ይንገር። በዚ ድማ ኣብ ምክትታል ተለቪዥንን ፊልምን ብዙሕ ተገዳስነት ዘይብላ ጓል ዝለዓለ ጠለብ ኣለዋ።

– ብዙሕ ግዜ ብስልኪ (ተለፎን) ምዕላል እተዘውትር ጓል ብዘመናውያን ደቂ ተባዕትዮ ከም ሓንቲ ወረኛ’ያ
እትቑጸር። ብመሰረት ዝተረኽበ መጽናዕቲ። 78.2 ሚእታዊት ካብ ደቂ ተባዕትዮ። ብዙሕ ግዜ ምስ ተሌፎን እትውዕል መጻምድቲ ኣዝያ ከምእተሕርቖም ይሕብሩ።

– ደቂ ተባዕትዮ ዋላ’ኳ ስፖርት እትፈቱ ጓል ኣዝያ ትስሕቦም እንተኾነት። ነቲ ጸወታ’ምበር ንስፖርተኛታት ክትፈቱ ኣይወሓጠሎምን’ዩ። በዚ ድማ ብስፖርት እምበር ብስፖርተኛታት እትማረኽ ጓል ኣይመርጹን።