ኣብ www.coolquiz.com ዝረኽብኩዎ መልሲ እንሀልኩም፣ እዛ “ኣናሎግ” ሰዓት ኣብ ሰሜናዊ ዋልታ’ያ ተሰሪሓ፣ ኣብ ሰሜናዊ ዋልታ ኰይኖም ንምንቅስቓስ ጸሓይ ሞዴል ከውጽኡ ኣብ ዝመራመርሉ ዝነበሩ እዋን ክትመሃዝ ክኢላ፣ ኣብ ሰሜናዊ ዋልታ ኴንካ ንጸሓይ ክትርእያ እንተ ዄንካ። ንደቡብ ገጽካ ክትጥምት ኣለካ፣ ጸሓይ ብጸጋምካ ክትበርቕ እንከላ። ብርእስኻ ኣቢላ ናብ የማንካ’ያ እትኸይድ፣ እታ ንሰዓት እትሕብር ሕጽር ዝበለት ለዓት። ንምቅስቓስ ጸሓይ ኣብ ሰማይ ብምዕዛብ እተሰርሐት ኰይና። ካብ ጸጋም ናብ የማን ብርእሲ – 12 – ኣቢላ ትሓልፍ፣ ተማ. ሜሮን በርሀ – መንደፈራ

ተስፋ ከይቆረጻ ከኣ በብቑሩብ እናነጠራ ክወጽኣ ፈተና። እተን ኣብ ላዕሊ ኰይነን ዝርእያ ዝነበራ እንቁርዖብ ኣዝየን ተገረማ። “ንድኻም ኢኽን ትፍትና ዘለኽን። ኣቐዲምክን ክትጥንቀቓ ነይሩክን፡ ዓይንኽን ርኢኽን እንተትኸዳ ኣይምወደቕክንን። ስለዚ ኣብ ዘለኽናኦ ምሟት ይሕሸክን።” እተን ኣብ ጉድጓድ ዝነበራ እንቁርዖብ ብዘረባ መሓዙተን ተስፋ ኣይቆረጻን። ሓይለን ኣኻኺበን ደኣ ይነጥራ ነበራ። እቲ ጉድጓድ ኣዝዩ ነዊሕ ስለዝነበረ ግን ድኻም ክስምዐን ጀመረ። ድሕሪ ብዙሕ እታ ተስፋ ዘይትቖርጽ እንቁርዖብ ተስፋ ዘይተረኽቦ ጻዕሪ ድማ ተሰኒፈን ኣብ ባይታ ኣሳፍሓ።

እታ ሓንቲ ንዘረባ ናይተን ኣብ ላዕሊ ዝነበራ መሓዙታ ተቐበለቶ። ብዙሕ ከይደኸመት ሞታ ክትጽበ ከኣ ወሰነት። ነታ ካልኣይታ’ውን ኣማኸረታ። መሓዛኣ ምስማዕ ምስ ኣበየታ ከኣ ርእሳ ኣውዲቓ ደቀሰት። እታ ተስፋ ዘይቆረጸት እንቁርዖብ ግን ገና ክትፍትን ትሓስብ ነበረት። ሓንሳዕ ኣዕሪፋ ከኣ ነተን ተሪፈናኣ ዝነበራ ሓይሊ ኣኻኺባ ነቐለት። ትዘልል ትወድቕ፡ እንደገና ትዘልል። ብኸምዚ ካብ ታሕቲ ናይቲ ጉድጓድ ቁሩብ ልዒላ ነበረት። ይኹን’ምበር ብሰንኪ መውደቕቲ ኣካላታ ቃንዛ ይገብረላ ነበረ። ድኻም ተደሚርዎ ከኣ ምዝላል ስኣነት። ኣብ ላዕሊ ኰይነን ዝዕዘባ ዝነበራ መሓዙታ ነብሳ ከይሃሰየት ኣሰር ናይታ ተስፋ ዝቖረጸት መሓዝአን ክትስዕብ ብዓውታ ነገርኣ። ንሳ ግን ሕጂ’ውን ኣይሰምዓተንን። ቁሩብ ኣዕሪፋ ድማ ተበገሰት።

ድሕሪ ነዊሕ ጻዕሪ ኣብ ላዕለዋይ ጫፍ ናይቲ ጉድጓድ ክትበጽሕ ቀረበት። ኣብ መወዳእታ ድማ ዘሊላ ካብቲ ጉድጓድ ወጽአት። እተን መሓዙታ ክኣምና ኣይከኣላን። ብጣቕዒትን ጨብጨባን ከኣ ተቐበልኣ። ኣዝያ ደኺማ ስለ ዝነበረት መግብን ማይን ቀረባላ። ከብዳ ምስ ዓንገለት እተን እንቁርዖብ ከምዚ እናበላ ሓተትኣ። “ኣይትኽእልዮን ኢኺ እናበልናክስ ስለምንታይ ዘይሰማዕክና?” እታ እንቁርዖብ ኣይመለሰትን። በዚ ድማ ምስ ወደቐት እዝና ተሃሪማ ንግዚኡ ኣይትሰምዕን ከም ዝነበረት ኣረጋገጻ። ሃንደበት ናብቲ ጉድጓድ ምስ ኣተወት’ያ ብስንባድ ኣእዛና ተሃሪማ። እተን መሓዙታ ተስፋ ዘቑርጽ ዘረባ ክዛረብኣ ከለዋ ኣይሰምዓተንን። ብኣንጻሩ ሞራል ዝህባኣ ዝነበራ’ዩ ዝመስላ ነይሩ። ብኡ ተተባቢዓ ከኣ ጽዒራ ተዓዊታ። ንሳ ተዓዊታ እታ ዝተረፈት መሓዛኣ ግን ኣብቲ ጉድጓድ ብድቁሳ ሞይታ።

ፍቱዋት ቈልዑ ካብዛ ዛንታ እንታይ ንመሃር? ኣብ ትምህርቲ ኰነ ኣብ ህይወት ፍቱዋት ቈልዑ ነዞም ስእልታት ምስቶም ኣብ ጐኖም ዘለዉ ናይ እንግሊዘኛ ቃላት ኣዛምድዎም። እንተ ዘይፈሊጥኩሞም ከኣ መዝገበ-ቃላት ተወኪስኩም ወይ ንዝፈልጡ ሓቲትኩም መልስዎም። ኣዛምድ ዘይክንዕወት ንኽእል ኢና። ሓንሳብ ወዲቕና ማለት ግን ንሓዋሩ ወዲቕና ማለት ኣይኰነን። ተስፋ ከይቈረጽና እንተጽዒርና ኣብ መወዳእታ ክንዕወት ናይ ግድን’ዩ። ተስፋ ንዘቑሩጹና መሓዙትና ጸማም እዝኒ ኢና ክንህቦም ይግባእ። እታ ዝተዓወተት እንቁርዖብ ተስፋ ከይቈረጸት ክሳብ መወዳእታ ስለዝጸዓረት’ያ ተዓዊታ። እታ ተስፋ ዝቘረጸት ግን ኣብቲ ጉድጓድ’ያ ተሪፋ። ኣብኡ ከኣ ሞይታ።

Credit: ኣማኒ ኣልኣሚን

ኣቦ ያፌት ኣቶ ዮሴፍ ነታ ካብ ጠቕሚ ወጻኢ ከም ዝኾነት ዝተነግረቶ ረሲቨር ንወዱ ንመጻወቲ ክኾኖ ኢሉ ሂቡዎ። ያፌት ወዲ ሽዱሽተ ዓመት ኮይኑ ቀዳማይ ክፍሊ’ዩ ዝመሃር። ዝኾነ ነገር ምምርማርን ምፍታሽን ዝፈቱ ያፌት ሎሚ ቅነ ንስክላ እዩ ድሒኑ። ያፌት ነታ ኣቦኡ ክጻወተላ ኢሉ ዝሃቦ ረሲቨር ውሽጣን ውሻጠኣን ክርኢን ክድህስስን ምእንቲ ብካቻ ቪተ ከፊቱዋ። በብሓደ ድማ ይ ተ ና ኽ ፎ ን ይጠዋውቖን። እዚ ቀቐሊሉ እዩ። ጸገም ዘ ለ ዎ ኣ ይ ኮ ነ ን ። እቲ ሓደገኛ ኩነታት ስዒቡ ዝመጽእ እዩ። ያፌት ነታ ኣብታ ረሲቨር ለጊባ ዝነበረት ኣብ ሶኬት እትገጥም ናይ ኤለክትሪክ ገመድ ኣብ ሶኬት ኣእትዩ ክፍትን ኢሉ ወለዱ ኣብ ዘየለዉሉ ተጸናጺኑ ኣብ ሶኬት ክሰኹዖን እቲ ኣብ ኢዱ ሒዙዎ ዝነበረ ረሲቨር ተዘዝ ከብሎን ሓደ ኮነ። ያፌት ብዘጋጠሞ ሓደገኛ ኩነታት ተሰናቢዱ ነታ ኣብ ኢዱ ሒዙዋ ዝነበረ ረሲቨር ደርብዩ ንደገ ተዓዝረ። ልቡ ዲግ ዱግ እናበለት ከም ኩዕሶ ካብ ኣፍልቡ ፈንጢሳ ክትወጽእ ደለየት። ያፌት እንቅዓ እናተንፈሰ ብየማናይ ኢዱ ንልቡ እናሓዘን ብዝገበሮ ሰኪሑ ተጣዕሰ። ፍቱዋት ቆልዑ፣ ያፌት ዘጋጠሞ ኣንቢብኩም ኣለኹም። ሓንጎልና ክሕደስን ክምዕብልን ጸወታ ኣገዳሲ’ዩ። ግን ብምንታይ ንጻወት ከኣ ክንፈልጥ ኣለና። ንመጻወቲ ኢሎም ዘይሓሰቡዎ ጉድኣት ዘስዕበሎም ቆልዑ ብዙሓት’ዮም። ካብ ኩሉ ብኤለክትሪክ ጸወታ የለን። ብዙሓት ቆልዑ ሶኬት ኤሌክትሪክ ኣብ ቀረባ ወይ ብቐሊሉ ክረኽብዎ ስለዝኽእሉ ከም መስማር ሓጺን ስልኪ ዝኣመሰሉ ነገራት ከእትዉ ይረኣዩ። እዚ ግን ኣዝዩ ሓደገኛ ምዃኑ ምግንዛብ የድሊ። ወለዲ’ውን ንደቅኹም እትህብዎም መጻወቲ ከም’ቲ ንያፌት ዝተዋህቦ ከም ረሲቨር ዝኣመሰለ ካብ ጠቕሚ ወጻኢ ዝኾነ መሳርሒታት ዘይኮነ፣ ንመጻወቲ ተባሂሉ ዝተዳለወ እንተኾነ ይምረጽ።