ንፍሽኽታ – Habeshaa Entertainment

ንፍሽኽታ – ቻርጅ

Habeshaa Ent. — Tue, 25 Jul 2023 11:59:49 +0000

ሰብኣይን ሰበይትን ለይቲ ደቂሶም እንከለዉ፡ ቻርጅ ትገብር ዝነበረት ሞባይል ተሌፎን ናይ በዓልቲ ቤቱ ድምጺ ገበረት’ሞ፡ በዓል ቤታ መልእኽቲ እዩ ተሰዲዱ ኢሉ ስለዝሓሰበ፡ ነጢሩ ካብ ዓራቱ ተሲኡ ኣልዓላ። ነቲ ኣብኡ ተጻሒፉ ዝነበረ ምስ ኣንበበ ብሕርቃን ንበዓልቲ ቤቱ ነቕኒቑ ካብ ድቃሳ ብምትንሳእ፡ “ስምዒ እስከ ንስኺ፡ እንታዋይ’ዩ ለይቲ ምድሪ “ቢቲፉል” (beautiful) ኢሉ መልእኽቲ ዝስደልኪ?” በላ’ሞ፡ ንሳ ድማ ካብቲ ዓራት ብምትንሳእ ምንጥል ኣቢላ ነቲ ጽሕፈት ምስ ረኣየት፡ ካብ ድቃሳ ብምትንስኡ ብዙሕ እናሓረቐት፡ “ሱቕ ኢልካ እስከ ኣደቅሰና (batteryfull) (ባተሪ መሊኡ) እዩ ዝብል ዘሎ” በለቶ።

ኣብ ስለያ ነጢፈን ዝነበራ ደማሙ መዘከርታ ኢለን ዝተሳኣልኦ

Habeshaa Ent. — Mon, 27 Jul 2020 10:12:08 +0000

Cats from r/AnimalsBeingDerps

Hide and seek. He’s not very good at the game. pic.twitter.com/eWiDryccb0

— Colin Cowherd (@ColinCowherd) April 3, 2020

Wanna play hide-and-seek with me?

እታ ምእዝዝቲ ሰበይቲ

Habeshaa Ent. — Tue, 21 Jul 2020 14:55:07 +0000

ሓደ እዋን መዋእሉ ከየዕረፈ ዝሰርሐ ሰብኣይ ነበረ። ነቲ ሰሪሑ ዝረኸቦ ገንዘብ ከኣ ንዕለታዊ ኣስቤዛ ዝኸውን ሒደት ገንዘብ ጥራይ እናህለኸ ብምልኡ የዋህልሎ ነበረ። ብገንዘብ ዝመጽኦ ሰብ ኣይፈቱን’ዩ ዝነበረ። ብሓጺሩ ኣዝዩ ነፋግ’ዩ ነይሩ። ክነብር ክነብር ሓደ መዓልቲ ኣብ ኣጋ ሞቱ ንሰበይቱ ጸዊዑ፡ “ኣብ ግዜ ሞተይ ንኹሉ ገንዘበይ ኣኪብኪ ኣብ’ቲ ሳንዱቕ ሬሳይ ምሳይ ከምዝዕጾ ግበሪ ሓደራኺ” ብምባል ለበዉኡ ከይትጠልም ቃል ኣእተዋ። ብድሕሪ’ዚ ነዊሕ ከይጸንሐ ሞተ። ተገኒዙ ኣብ ሳንዱቕ ክዕሸግ እንከሎ ድማ ሰበይቱ ምስ መሓዝኣ ኣብ ጥቕኡ ነበረት። ሓመድ ድብ ኣኺሉ ኣዳለውቲ ቀብሪ ነቲ ሳንዱቕ ቅድሚ ምስማሮም ወያ ምእዝዝቲ በዓልቲ ቤቱ፡ ሓንሳብ ጽንሑ!” ብምባል

ን ሓደ ዓመት ብነጻ ዝተመገበ ቻይናዊ

Habeshaa Ent. — Mon, 13 Jul 2020 11:49:45 +0000

ሓደ ቻይናዊ፡ ሓንቲ ናይ ቀዳማይ ደርቢ (first class) ናይ ጉዕዞ ትኬት ብምግዛእ፡ ንሓደ ዓመት ዝኣክል ኣብ ቤት መግቢ ናይ መዓርፎ ነፈርቲ ኣታሊሉ ድሕሪ ምምጋቡ፡ ዝሓለፈ ሰሙን ከምእተታሕዘ፡ ፎክስኒውስ ዝተባህለ መርበብ ሓበሬታ ኣፍሊጡ። እቲ ዛንታ ከምዚ እዩ። ወዮ ቻይናዊ ካብ መንገዲ ኣየር ምብራቓዊ ቻይና ናይ ቀዳማይ ደርቢ ናይ ጉዕዙ ትኬት ይገዝእ። ኣብቲ መዓርፎ ነፈርቲ ትኬቱ ንስታፍ ላውንጅ ብምርኣይ ከም ዝኾነ ካልእ ናይ ቀዳማይ ደርቢ ተጓዓዛይ መግቡ ይበልዕ። ብድሕሪ’ዚ ኣብ ክንዲ ናብ ነፋሪት ዝስቀል፡ ኣብቲ ትኬቱ ዘሎ ናይ ንቕሎ ዕለት፡ ናብ ካልእ እዋን የቐይሮ። ኣቐዪርዎ ምስ መጸ ከኣ ይምገብ። ከምዚ እናበለ ምስሑ በበሊዑ መዓልቲ ንቕሎኡ ብሓንቲ ናይ ኣየር ትኬት፡ ዓመት ዝተመገበ ቻይናዊ ተታሒዙ እናቐየረ ዓመት ተዓንጊሉ። መዓልቲ ጉዕዞኡ ከኣ ኣብ ውሽጢ’ቲ ሓደ ዓመት 300 ግዜ ተቐያይሩ። መንገዲ ኣየር ምብራቓዊ ቻይና ነቲ ጉዳይ ክምርምሮ ጀሚሩ። እቲ ሰብ ክፍለጥን ክተሓዝን ክኢሉ። ትኬቱ ቅድሚ ዝወድቀሉ መዓልቲ ምኽኣሉ ኣብቲ ቤት ጽሕፈት ከይዱ ስለዘሰረዞ ከኣ ብምሉኡ እቲ ዝኸፈሎ ዋጋ ትኬት ተመሊስሉ። ኣብ መወዳእታ፡ ኩሉ’ቲ ታሪኽ በቲ መንገዲ ኣየር ክፍለጥ ተኻኢሉ። እቲ ዘገርም ግን፡ እቲ ሰብኣይ ኣብ ሕጊ ከቕጽዖ ዝኽእል ዓንቀጽ ስለዘየለ፡ ብመጠንቀቕታ ጥራይ እዩ ተሓሊፉ። ኣፈኛ ናይቲ መንገዲ ኣየር “ንኸምኡ ዓይነት ሳሕቲ ዘጋጥም ነገራት፡ እቲ መንገዲ ኣየር ክቆጻጸሮ ኣይክእልን እዩ” ክትብል ገሊጻ።

ቅድሚ ኮምፕዩተር ዝነበረ ሂወት

Habeshaa Ent. — Sun, 12 Jul 2020 14:37:52 +0000

“ኣፕሊከሽን”- ደብዳቤ ደላይ ስራሕ እዩ ነይሩ።
“ፕሮግራም”- ምርኢት ቴሌቪዥን’ ዩ ነይሩ።
“ሜሞሪ” -እናኣረግካ ክትከይድ እንከሎኻ እናጎደለ ዝመጽእ ነገር’ዩ ነይሩ።
“ከርሰር” – ጽያፍ’ዩ ነይሩ።
“ኪ ቦርድ” – ፒያኖ (መሳርሒ ሙዚቃ) እዩ ነይሩ።
“ዌብ”- ዓለባ ሳሬት እዩ ነይሩ።
“ቫይረስ” – ጉንፋዕ ወይስ እንፍሉዌንዛ’ዩ ነይሩ።
“ማውዝ ፓድ” – ሰፈር ኣንጭዋ’ዩ ነይሩ።

እቲ ንእሽቶ ዓርኪ

Habeshaa Ent. — Sun, 12 Jul 2020 12:13:29 +0000

እታ መዓልቲ ንኣቶ ኣንበሳ ቅርስስቲ መዓልቲ ነበረት። ኣንበሳ፡ ማንቲለ ንምሓዝ ይጎዪ ነበረ። ማንቲለ ዘሊላ እሾኽ ናብ ዝበዝሖ ቦታ ኣተወት። ኣንበሳ እግሪ እግራ ብምስዓብ ናብቲ እሾኽ ኣተወ። እንተኾነ ንማንቲለ ክሕዝ ዝሓሰበ ዘይተጸበዮ ሓደጋ ኣጋጠሞ። ኣብ ከብዲ እግሩ በላሕ እሾኽ ኣተወቶ። ብቓንዛ ገዓረ። እናሓንከሰ ድማ ካብቲ እሾኽ ዝበዝሖ ቦታ ወጽአ። ነታ ኣብ እግሩ ዝኣተወት እሾኽ ብኢዱ ከውጽኣ ፈተነ። ከውጽኣ ግን ኣይከኣለን። ብስኑ ስሒቡ ከውጽኣ’ውን ፈቲኑ’ዩ፡ ግና ኣይተዓወተን። ኣብ መወዳእታ ድማ ሓገዝ ንምርካብ ብዓውታ ጸውዐ። ንብዙሓት እንስሳታት ነታ እሾኽ ከውጽእሉ በብሓደ ሓተቶም። ንሳቶም ግን ኣዝዮም ፈርሑዎ። ኣብ ጥቓኡ ክቐርቡ’ውን ኣይደለዩን። ስለዚ ድማ ንኽሕግዞ ዝቐረበ እንስሳ ኣይነበረን።

ኣንበሳ ንዝስምዖ ዝነበረ ቃንዛ ክጻወሮ ኣይከኣለን። ኣብ መወዳእታ ድማ ወኻርያ ከተውጽኣሉ ክሓታ ወሰነ። ምስኪንኪን እናበለ “ወኻርያ ሓብተይ ቃንዛ ኣዝዩ ስለዝበርትዓኒ በጃኺ ነዛ እሾኽ ኣውጽእለይ።” በላ። ወኻርያ ብወገና “ኣነ እሾኽ ኣብ ምውጻእ ንፍዕቲ ኣይኮንኩን፡ እንተኾነ ሓደ ንእሽቶ መሓዛ ኣለኒ፡ ንዕኡ ክሓተልካ። ንሱ ንፉዕ ስለዝኾነ ከምዘውጽኣልካ ርግጸኛ’የ።” በለቶ። ኣንበሳ ንዘረባ ወኻርያ ብምስማዕ ተስፋ ገበረ። ክትጽውዓሉ ድማ ለመና። ወኻርያ ግን ሱቕ ኢ ላ ኣይጸወዓትሉን። “ቅድሚ ነቲ ዝበልኩኻ መሓዛይ ምጽውዐይ ሓደ ጠለብ ኣለኒ።” በለቶ። ኣንበሳ እሾኹ ክትወጸሉ ተሃዊኹ ነበረ’ሞ “ጠለብኪ እንታይ’ዩ?” ክብል ብተሃዋኽ ሓተታ። “ጠለበይ መግቢ ወይ ገንዘብ ኣይኮነን። ሓሙሽተ ግዜ ብድሕሬኻ ኮይነ ክቐልዓካ ኣፍቅደለይ።” ክትብል ሓተተቶ። ኣንበሳ ንዘረባ ወኻርያ ምስ ሰምዐ ኣዝዩ ተቖጥዐ። “ኣነ መን ምዃነይ ፈሊጥክኒ ኣለኺ ዲኺ? ንስኺስ ንዓይ ክትሃርምኒ! ክንደይ ከ ትደፍሪ ኢኺ!” ክብል ብሕርቃን ኣጉባዕበዐ። ወኻርያ ህድእ ኢላ፡ “ኣንበሳ፡ መን ምዃንካ ኣይጠፍኣንን፡ የግዳስ ንስኻ’ምበር ኣነ ሓገዝ ኣይሓተትኩን። ስለዚ እሾኽ ከውጽኣልካ እንተኾይነ ንኽቐልዓልካ ከተፍቅደለይ ኣለካ። እንተዘይደሊኻ ግን ጸገም የለን፡ ብሩኽ መዓልቲ ይግበረልካ፡ ቻው።” ኢላቶ ተበገሰት። ኣንበሳ ድንን ኢኡ ሓሰበ።

ርእሱ ብምቕናዕ ከኣ “ሓንሳእ’ሞ ጽንሒ! ሓንሳብ!” በላ። ወኻርያ ተገልቢጣ ጠመተቶ። ኣንበሳ፡ “ኣነ ሕማቕ ስለዘለኹ፡ ንጠለብ ወኻርያ ሰሚዐ እዛ እሾኽ ክትወጸለይ ኣለዋ። ምስ ወጸትለይ ከኣ ነቲ ንእሽቶ መሓዛኣ እበልዖ።” እናበለ ብውሽጡ ሓሲቡ። ስለዚ ድማ ኣንበሳ ብወኻርያ ንኽውቃዕ ተሰማምዐ። ወኻርያ ብድሕሪ ኣንበሳ ተጠውየት። ሓደ፡ ክልተ፡ ሰለስተ… እናበለት ከኣ ሓሙሽተ ግዜ ብእግራ ቀልዓቶ። ሃሪማ ምስ ወድአት ነቲ ንእሽቶ መሓዛኣ ጸውዓቶ። ጻውዒታ ዝሰምዐ ቅንፍዝ እናነጠረ መጽአ። ቅንፍዝ ነታ እሾኽ ብጥንቃቐ ከይተሸገረ መሰስ ኣበላ። ንኣንበሳ ኣብ ከብዲ እግሩ ዝስምዖ ዝነበረ ቃንዛ ጎደለ። ሓንጎሉ ግን ብሕርቃን ተናዊጹ ነበረ። ብኸመይ ሕነኡ ከም ዝፈዲ’ዩ ዝሓስብ ነይሩ። ሕነ ክፈዲ ብዘይምኽኣሉ ግና ኣዝዩ ሓዘነ። ንቕንፍዝ ክበልዖ ዝኽእል ኣይነበረን። ምኽንያቱ ቅንፍዝ ዳርጋ ምሉእ ኣካላቱ ‘መስተር’ ብዝበሃል በሊሕ ነገረ ዝተሸፈነ’ዩ። ስለዚ ኣማራጺ ከም ዘይነበሮ ፈለጠ። ብውሽጡ ከይተሓጐሰ ድማ ንብልሓት ወኻርያን ቅንፍዝን ኣድነቐ።

ፍረዱ; እዚ ሰብ ዕድለኛ ድዩ ወይስ ኣይኮነን ?

Habeshaa Ent. — Sun, 12 Jul 2020 11:53:40 +0000

ሓደ እዋን፡ ገለ ሰባት መኪና ሃሪማትካ ብትሕቲ ጎማ ኣቲኻ ምስ ወጻኻ፡ ‘’ናይ ብሓቂ ዕድለኛ ኢኻ’’ ክብሉኻ እንከለዉ ዘየሕርቕ ኣይኮነን። ብውሽጥኻ ከኣ ‘’ዕድለኛ እንተዝኸውን’ዶ ካብዚ ኩሉ ሰብ መሪጻ ንዓይ ብትሕቲ ጎማኣ ኣእትያተኒ።’’ የብል ይኸውን። እንኾነ ሰባት ከከም ሓሳባቶምን ርድኢቶምን ነቲ ኩነት ክገልጽዎ ይኽእሉ ይኾኑ። ገሊኦም ካብቲ ሓደጋ ብሂወት ብምትራፍካ ጥራይ ከም ዕድለኛ ከገልጹኻ እንከለዉ፡ ገሊኦም በቲ ዘጋጠመካ ሓደጋ ጥራይ ከም ዘይዕድለኛ ክቖጽሩኻ ይኽእሉ።

እስከ ናይዚ ሰብ ውዕለት’ከ ዕድለኛዶ ዘይዕድለኛ የስምዮ።

ሮይ ሱሊቫን ይብሃል። ሮይ ኣብ ውሽጢ ሳላሳ ዓመት ሸውዓተ ግዜ ብተደጋጋሚ ብበርቂ ክህረም ክኢሉ። መጀመርታ ኣብ 1942 ኣብ ፌርማታ ደው ኢሉ ኣብ ዝነበረ እዋን፡ ብበርቂ ኣብ ኣእጋሩ ብምህራም፡ ነቲ ብበርቂ ናይ ምህራም ቀጻልነቱ ኣሃዱ ኢሉ’ዩ ፈሊምዎ። እንተኾነ በቲ ሓደጋ በጀካ ናይ ዓባይ ዓባይትኡ ጽፍሪ፡ ካልእ ዝጋነን ሓደጋ ከይወረዶ ብሰላም ተገላገለ። ንመበል ካልኣይ ግዜ ኣብ 1969 ድሕሪ ዕስራን ሸውዓተን ዓመት፡ መኪንኡ ሒዙ እናተንቀሳቐሰ እንከሎ፡ ዘጋጠሞ ናይ በርቂ ምህራም፡ እዚ ውን ከምቲ ቀዳማይ ብዘይካ ንግዚኡ ኣብ ዕውለት ምእታው ዝጋነነ ሓደጋ ከይስዓበሉ ተረፈ። ንመበል ሳልሳይ ግዜ ድሕሪ ሓደ ዓመት ናይቲ ካልኣይ ግዜ ዘጋጠሞ ሓደጋ ምስ ገጠሞ’ውን ኣብ መንኮቡ ጥራይ ቁሩብ ቃጸሎ ብምግጣም ክሓልፈሉ ከኣለ። ጸኒሑ ውን ንመበል ራብዓይ ግዚኡ ኣብ 1972 ንገለ ክፋል ናይ ጽጉሪ ርእሱ ብምንዳድ ጥራይ ነሓፎ። ንመበል ሓምሻይ ግዜ፡ ሕጂ’ውን እቲ ዕድለኛ ወይ መከረኛ ሮይ፡ ብምንዳድ ጸጉሪ ርእሲ ጥራይ ሓለፈሉ። ቀጺሉ’ውን ብዙሕ ከይጸንሐ ንመበል ሻድሻይ ግዚኡ ኣብ 1974 ብሰንኪ በርቂ፡ ቅልል ዝበለ ናይ ብርኪ ሓደጋ ኣጋጠሞ። ንመወዳእታ ግዜ ኣብ 1977 ዘጋጠመ ኮይኑ፡ ኣብ ከባቢ ኣፍ ልቡን ከብዱን ክነድድ ከኣለ። ስለዚ ነዚ ሰብ ደጋጊሙ ካብ ከቢድ ሓደጋ ክተርፍ ብምኽኣሉ ዕድለኛ ምሰመናዮዶ ወይስ በቲ ተደጋጋሚ ፈተነ ከም ዘይዕድለኛ ምቖጸርናዮ?

ካርቶናት

Habeshaa Ent. — Sun, 12 Jul 2020 11:34:13 +0000